المدونة التالية
كافة المدونات

مصلى؟؟ مسجد ؟؟ ولا أيش؟؟

كتبهاأيَانِق ، في 3 يناير 2007 الساعة: 00:08 ص

 

 

 

كنت اليوم في زيارة لاحد المراكز في مدينة جدة .. طبعا انتوا عارفين انو جدة مليانة مولات فخمة وكل مول افخم من التاني .. بس اللي لاحظته شي غريب في هذا المركز وكم مركز زيه .. انو السوق يكون فخم ومرتب ويلمع من النظافة .. وتجي عند المصلى تلاقيه محشور في ركن ماتدري فين ربنا حاطه .. وهذا الكلام ينطبق على هذا المركز وعلى غيره ..

لما دخلت المصلى كان تقريبا 3 ×3 وماادري هيا الارض مايلة ولا الجدار مايل المهم من يوم مادخلت حسيت انو في شي مو طبيعي ومايل .. وطبعا الكتابات على الجدران وواحد يكتب دعاء ويشخمط ويغلط ويعيييد .. انا مو عارفة مافي اختراع اسمه ورقة على الكمبيوتر ولا لوحة مرتبة زي البني ادمييين ؟؟

 

هذا الشي مررة ملموس في اكثر المصليات والمساجد تلاقيه مررة معدووووم ماادري هوا الغلط من مين .. هما الناس .. ولا المسؤول عن المركز او حارس المسجد .. ولا مين بالزبط ..

 

 

افتكر كم مرة لما كنت اروح اي دولة خارج المملكة يكون المسجد في قرية صغيرة او تكون البلد نفسها مو مرة اقتصادها عالي .. والمسجد يلمع من النظاافة .. النظاااافة مو لازم يكون فخم وعلى مستوى عالي .. اهم شي تحس انك داخل بيت ربنا ..

 

طبعا هذا الشي ماينطبق على كل المساجد في المملكة .. اكيييد في مساجد في جدة وغيرها اكثر من رائعة وتلاقه فخم ومرتب ونظييف وكل شي .. بس هذي ظاهرة مرة منتشرة ..

ولا ايش رايكم؟؟؟؟

أضف الى مفضلتك
  • del.icio.us
  • Digg
  • Facebook
  • Google
  • LinkedIn
  • Live
  • MySpace
  • StumbleUpon
  • Technorati
  • TwitThis
  • YahooMyWeb

ـــــــــــــــــــــــــــــــــــــــــــــــــــــــــ
التصنيفات : مجتمعنا | السمات:
أرسل الإدراج  |   دوّن الإدراج  

8 تعليق على “مصلى؟؟ مسجد ؟؟ ولا أيش؟؟”

  1. مجهول قال:
    يناير 3rd, 2007 at 3 يناير 2007 1:10 ص

    صح كلامك ولله مرررررة صح

    منجد برة مهما كان المكان قرية اي شىء تلاقي اهم شىء دورات المياه الله يكرمكم

    والمسجد نطييييييف..

    ااما عندنا اخر شىء طبعا زي ماقولتلي مو كل المساجد..

    بس الاغلب وبالذات اللي في الطرق طريق جدة والمدينة مررررررة معدومة..

    بس نقول ياااارب يبنتهبوا للشىء دا ويساعدهم..

    وشكرا ايانق على الموضوع..

  2. أيَانِق قال:
    يناير 3rd, 2007 at 3 يناير 2007 1:17 ص

    اهلا اختي موون .. كلامك مية مية وعلى قولك مررة اللي في الطرق شي ماينسكت عليه ..

    ياريت يسووا حملات توعية وتنظيف ويسووا مشاريع زي مشروع تنظيف المساجد حق الشقيري عشان الناس تفهم ..

    شوكرا على مرورك يااحلى عسل ..

  3. خالد جعشان قال:
    يناير 7th, 2007 at 7 يناير 2007 5:00 م

    السلام عليكم

    الأخت/ أيانق

    تحيه طيبه

    المصلى له حكم غير المسجد

  4. خالد جعشان قال:
    يناير 7th, 2007 at 7 يناير 2007 5:16 م

    مثل المصليات التي بالمستشفيات والوزارات

    فليس لها اجر الخطى للمساجد ولا الأعتكاف

    والمملكه ما قصرت لكن الي قصر الأغنياء الذين لم يخرجوأ دراهمهم

    شكرآ لكي على الروح الأسلاميه

    والسلام عليكم

  5. أيَانِق قال:
    يناير 14th, 2007 at 14 يناير 2007 11:57 ص

    الاخ خالد ..

    انا اتكلم على المساجد من ناحية النظافة والترتيب .. لا من ناحية الحكم الشرعي .. واتوقع مادامت انه مسجد او مصلى فالاولى انه يكون مكان نظيف ومرتب لانه دور للعباة ..

    واكيد المملكة ماقصرت .. انا اتكلم على الناس اللي يدخلوا المسجد وهما مو مستشعرين قيمته وعظمته ..ويرموا الاوساخ ولا كانه شي بالنسبالهم ..

    العفو اخي ..

    وشكرا على مرورك

  6. issam shamoun قال:
    يناير 16th, 2007 at 16 يناير 2007 6:07 م

    شكرا الأخت أيانق علي تعليقك علي ادراجي (لزوم ما يلزم) واتمني التواصل وعد الانقطاع .

    بخصوص موضوع المصليات بالمجمعات التجارية الكبيرة كما نسميها بالسودان حدث ولا حرج . ولا أزيد أكثر من القول المأثور (صاحب المال جبان)

  7. أيَانِق قال:
    يناير 20th, 2007 at 20 يناير 2007 7:09 م

    عفوا اخي .. لاشكر على واجب..

    وان شاء الله نتواصل معاك دايما..

    اعتقد انه هذي المشكلة موجودة بكثرة .. لكن مااتوقعت انه تكون في السودان .. لأنها بلد متعلق جدا بأسلامه الا اذا كنت تتكلم عن الفخامة ..

    اعتقد ان النظافة والترتيب اهم شي .. حتى اهم من الفخامة ..لانه اش فايدة مسجد فخم وهوا انواع القمامة؟؟

    أما على قولك المأثور فعمري ماسمعت بيه

  8. مجهول قال:
    سبتمبر 6th, 2007 at 6 سبتمبر 2007 2:11 م

    Warm welcome to Alnemat TheGrace Arabic Christian Internet Magazine, We love you! Please visit us at:

    http://www.TheGrace.net

    http://www.TheGrace.org

    http://www.TheGrace.com

    نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة

    سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة

    ردود مؤكدة كتب بنّاءة رسوم تسالي تأملات يوميات

    Bible Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /

    Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.

    Arabic Christian Magazine The Grace offering the Arabic Bible النعمة تقدم الإنجيل الكتاب المقدس



اكتب تعليــقك
الإسم الذي سيظهر على التعليق
مشتركي مكتوب
اسم آخر

« حج ..!
يوم مستجدة !! »