حج ..!
كتبهاأيَانِق ، في 23 ديسمبر 2006 الساعة: 22:04 م
حج …!
اهلا بيكو قراء مدونتي .. أبغى اقلكم اليوم على مشاعري الخاصة تجاه الحج .. خصوصا أني ( مكاوية ) وعايشة في هاذا البلد الطاهر ..
تخرج من بيتك .. الزحمة مملية كل الشوارع .. باصااات الحجاج بمختلف جنسياتهم تملي حتى الطرق الفرعية .. وبيتك اللي في طريق فرعي وماكان يمر من قدامه احد .. سار يمروا كل بعد شوية ..
ومشوار ال10 دقايق يسير نص ساعة …
تفرح .. وانتى خارج تشوهم يتأملوا في دا البلد اللي حنوا ليه وهما في بطون امهاتهم .. وتقول في قلبك .. ربنا لك الحمد على نعمتك الجزيلة .. شرفتنا بوجودنا في أطهر مكان ..
احيانا .. تشوف مواقف تضحك عليها .. تشوف الحاجة المصرية اول ماتدخل الحرم .. تغطرف من قلبها .. والله مو قليل على شوفت الكعبة ..
وتلاقيهم يتبركوا بزمزم ويشربوا منه .. ويطوفوا ويسعوا .. وهما فرحانين بهاذي النعمة الحلوة ..
والله مكة حلوة … بعظمتها بشرفها .. وضيوف الرحمن نستقبلهم ونحطهم في عيوننا ..
شي غريب .. ماني عارفة ايش اقول .. لأنو اللي بيسير اكبر من الكلام .. لكن شي واحد اقلكم هوا .. الله يبلغكم الحج وشوفة مكة .. امين يارب
..لبيك اللهم لبيك .. لبيك لاشريك لك لبيك .. ان الحمد والنعمة لك والملك .. لاشريك لك
ـــــــــــــــــــــــــــــــــــــــــــــــــــــــــ
التصنيفات : غير | السمات:غير
أرسل الإدراج | دوّن الإدراج
ديسمبر 23rd, 2006 at 23 ديسمبر 2006 10:58 م
والله من جد مكه مافي زيها
الله لايحرمنا منها
واحمد ربي واشكره من كل قلبي انو جعلني في مكة
بصراحة ياايانق فجرت انهار بداخلي في حب مكه
واشكرك على اثارة هذا الموضوع
والله ييسر للحجاج حجهم ويبلغ كل واحد مشتاق الحج
والله لايحرمنا الاجر والثواب نحنا وجمييييييييع المسلمين
وشكرا مره تانيه صديقتي ايانق عالموضوع
اختك
ضوء القمر
ديسمبر 25th, 2006 at 25 ديسمبر 2006 6:37 م
اهليين ضوء القمر…بصراحة احنا في نعمة مررة كبيرة لاننا في اطهر بلد .. واشرف مكان واحب مكان الى الله ورسوله ..
الله يجعلنا على درب من خطى بلده الطاهر .. وعلى نهج الاخيار ..
اللهم امين ..
تسلمي اختي على مرورك الحلو .. الله لايحرمني منك ولامن طبيتك وخيرك ..
والله يجمعنا دايما على حبه وطاعته ..
اشكر مرورك بصدق…